A B C D E F G H I J K L M N O P Q R S T U V W X Y Z #

21 Mars, Dita Botërore E Poezisë

...aromë pasioni, vartësi, udhërrëfim, ëndërr
blerim
këtë ditë prandvere Qëndistar
le të harrojmë padrejtësitë
luftërat, bajraktarizmin, sfilatën e urrejtjes
këtë datë le të rrjedhin shkronja të dashurisë
të dëgjohet melodia e zogjve të mëngjesit
poet, shkruaj për mirësinë
tolerancën njerëzore, miqësinë e bekuar
poete, vazhdo me vargje tingujsh përcjellur nga harfa
zbukuro miqësinë me penë të qëndisur.
*
Në këtë shkollë të jetës
bëhem se nuk shoh keqdashësit
anashkaloj hijen e ashpërsisë
datë është kjo, ditë e pendëve në glob
buzëqeshem me ngrohtësi miqëve
estetëve
fisnikëve
investim ky i njeriut më se modest
edhe vet natyra
po, po, edhe natyra lejon të zbret nektari poetik
rrëzë petlave ngjyrëdehëse vargjet vallëzojnë
lëngun e dashurisë së zjarrtë edhe qiejtë admirojnë
përjetësia është fshehur aty, tek shkronjat e jetëgjatësisë.

- poezi nga Tyran Prizren Spahiu


- Poezia u dërgua nga Tyran Prizren Spahiu -

Zgjidhni me sa yje do votoni

Mesatarja:  5 / Votuan:  3